以下並非讀者來信，轉自CX Secrets。
「好唔開心，男人間唔中會話我份工唔辛苦…好多假…飛完番來放3、4日，冇壓力，去到outport 又只是食瞓玩…但佢自己做野(Office 工)就好辛苦，日日朝9晚8、壓力又大⋯等等⋯
每次佢咁講，我都好無奈、難過。係，的確佢工作係辛苦而且壓力大，但每每搵我來比較，我都唔知可以講D乜。咁我可以點？平日我有G(註：即day-off)就做家務冼衫、打掃、煮飯，G day 只做c9為主，好少去威。但佢會話 佢都想留係屋企做下家務煮下飯，覺得好relax 喎⋯⋯
佢又話做crew 打份牛工搵錢唔多，屋企開支都是佢負擔，我完全冇付出⋯ 我有D傷心、又冇野好講，可以點？我明白他工作的確比我辛苦，但你下下搵我比較真的冇話可說⋯」
+ + + + + + +
分手。分手。分手。
份份工都有難處，不完全理解好正常，但連基本尊重都沒有，貶低伴侶的工作和價值，這種人，唔係仲同佢過人世嘛?!
看到這著實有點感慨。想當年還是個天真少女，某位ex在我飛回來說好累時，總愛說「派下餐喳喎，又有幾攰呀」；由於他工作接觸到的職業層面很廣，記者律師醫生CEO什麼都有，閒時也愛拿我的工作薪金/前途/性質和人家比較。對自己滿有自信的本人不太care他比較什麼，反正我都沒有要和別人比較的心，但，另一半不體諒，自然也有點不是味兒。
最深刻印象是某次吃飯碰到他的一位大律師朋友，剛巧是我舊同學。舊同學聊天時談起「想當年」我讀書成績很不錯，某時期把我當成「假想敵」。我說哈哈這就是傳說中的小時了了囉現在都在混日子啦；同學客氣答「不會啦人各有志，做空姐周圍去也好玩，又jet-lag都辛苦，我去考都未必請我啦都不夠高」(你看，人家多客氣)。怎料ex在那天得知我「原來讀成績不錯」後，加碼地只要談起工作就把件事搞得本人在作賤自己似的。
大佬，我現在不是在街邊乞食呀，就算做乞丐也要日曬雨淋放棄尊嚴不是沒有付出喎依家咩事先......
狠勁的爆了他一次甘甘的，從此大家沒提工作的事。但，如何累，也絕口不敢呻。再後來，分手了 (跳起YEAH~~~~~)。
現在的男人，在我說飛完好累時會摸摸頭說「辛苦了」。係，有時明知道他是亂應的，對白也幾乎每次一樣。但，這已夠了。如對方連胡亂安慰一下的敷衍之心都沒有，你不是期盼他在其他方面會對你好....呀嘛?!
這種整天只有自己的工作最辛苦、其他人都是塵蟻的仆街，還夠敢說在家煮飯做家務好relax (?)，肯定連自己的媽媽都不看輕，是自私撚中的自私撚。住在同一屋簷下，一日都嫌多呀同事。
沒有留言:
發佈留言